Elkedag Oomblikke

Ons praat oor kern-oortuigings en identiteit se rol in jou huwelik

Ek het met snorkel gesien hoe die oseaan se strome jou kan wegvat van die boot sonder dat jy dit agter kom. ‘n Anker het die bootjie op een plek gehou maar vir my wat oorgelaat was aan die see se strome, was dit ‘n heel ander belewenis. Ek het een oomblik nog vir Dory bewonder en die volgende oomblik paniekerig uit die water gesoek na die boot. Gelukkig was ek nie te ver nie, en kon vinnig terug swem na veiligheid.

Goeie elke dag gewoontes in julle huwelik is ‘n goue sleutel vir ‘n gelukkige huwelik. Kweek dit. Begin vandag!

Egskeiding is eintlik net die finale stap in ‘n aaneenlopende, opvolgende, dag tot dag verder en verder skei van mekaar proses. Hoe besiger ons skedules raak, hoe meer is ons soos skepe in die nag, verby mekaar. Die skeiding tussen ons word groter sonder dat ons dit eers besef.

Ons het die fantastiese voordele van goeie gewoontes in ‘n huwelik ontdek en ‘n briljante metode gedeel om hierdie gewoontes te begin en vol te hou. Julle moes ook een nuwe gewoonte probeer: Die Ses-Sekonde-Soen; Oggend Koffie en Bid; Saam Eet (sonder fone); Daaglikse Check-In; of Sommerso Verrassings.

Onthou jy die Afrikaanse spreekwoord “’n Appel ‘n dag laat die Dokter wag”? Dit spreek tot goeie daaglikse gewoontes vir langtermyn voorspoed. En dis dieselfde vir so baie dinge in ons lewens. Goeie daaglikse gewoontes het ongelooflike krag vir langtermyn sukses. Dink aan “Kyk na jou Rande en die Honderde sal na hulleself kyk”. Of wat van “Beweeg meer om die vet te keer”. Net so is dit broodnodig en belangrik vir jou huwelik. Want sonder hierdie elke dag oomblikke sal julle stelselmatig uit mekaar dryf, en julle meer huismaats as huweliksmaats wees. Dink daaraan as ‘Soen elke dag, en die skeihof sal bly wag!’