Ons almal ken dit – die gevoel dat daar net nie genoeg ure in ’n dag is nie. Werk, gesin, verantwoordelikhede wat net aanhou groei – waar kry ’n mens tyd vir jouself? Maar hier’s die geheim: selfsorg hoef nie ’n groot affêre te wees nie. Klein gewoontes, wat maklik in jou dag-tot-dag kan inpas, kan 'n goot verskil maak!
Ja, elkeen van ons het ‘n verlede. Elkeen van ons het al ‘n paadjie gestap… Soms was die paadjies redelik gelyk, soms moes ons oor heuweltjies beur, en soms moes ons deur diep slote en oor groot klippe klim om te kom waar ons nou is. Jou verlede is deel van wie is jy, dit speel ‘n groot deel in die manier wat jy vandag dink en optree.
In Maand 1 het ons oorhoofs gekyk na wat selfsorg is: Fisiese gesondheid en selfsorg, Geestelike gesondheid en selfsorg, en laastens Selfsorg en jou huwelik. Hierdie maand kyk ons na ‘n paar mites oor selfsorg, voor ons vir jou ‘n lysie gee van voorstelle wat jy hierdie maand kan probeer!
Selfsorg (of selfcare soos dit dalk meer algemeen bekend is), is 'n belangrike deel van 'n gebalanseerde en gelukkige lewe. Ons lewens is besig, vol uitdagings, verpligtinge en stres, en ons gaan staan gewoonlik heel agter in die ry en vergeet om na onsself ook om te sien! Hierdie afskepery is egter baie sleg vir jou... nie net vir jou eie geestelike en fisiese gesondheid nie, maar ook vir verhoudings, en natuurlik ook jou huwelik.