Katjierie

Unboxing! Liezel verras Nico met ‘n geheime boks. En hier is die link wat ons in die video belowe:

Praat jy maklik oor seks? Waarvan jy meer wil hê en waarvan minder; wat jy graag wil probeer en wat dalk vir jou moeilik is? Om oor intimiteit te praat is vir baie van ons geheel en al uit ons gemaksone. Dalk omdat ons groot geword het met die gedagte dat seks tien teen een sonde is en ‘n plig is in elke huwelik. Of dalk is jy net oorweldigend skaam om daaroor te praat. Of jy wonder of daar iets fout is met jou want die groot O kom net so min en jy fake maar die meeste van die tyd.  

Hierdie maand trek ons die botteltjie ‘lube’ nader. Kry vir julle ‘n produk wat ‘n ‘massage gel/lube’ is of gebruik ‘coconut oil’ (‘n baie gewilde keuse as jy nie allergies is nie). Lubrikant staan soms sommer bekend as ‘n Libido Hupstoot Smeertjie. En dit is inderdaad so!

Wie moet die "eerste stap" neem? Moet dit altyd die man wees? Liezel vra Nico sommer reguit!

Goeie seks is ‘n goeie idee! ‘n Gesonde sekslewe is goed vir julle huwelik. As dit iets is wat julle bietjie begin afskeep het, neem ‘n tree vorentoe en vry bietjie vanaand. Bederf mekaar en ontdek weer die lekkerte van liefde. As julle op ‘n goeie plek is, probeer nuwe dinge. Waak teen ‘n roetine wat verveel soos ‘Missionary posisie op ‘n Maandag’.

Dinge het sommer gou warm geraak tussen die lakens! Ons het Interresante feite ontdek en onsself toegerus met kennis. Ook gevra wat is God se plan met seks in julle huwelik – is dit okay? En toe was dit tyd vir aksie. Gaan loer gerus weer na maand 1 as jy iets vergeet het.

My vriendin vertel haar ma het kort voor haar huwelik gewaarsku: “Dis glad nie soos in die Mills and Boons boeke nie!” Dit is nogal waar! Die media het so ‘n sirkus gemaak van seksualiteit dat ons soms verward is oor wat nou ooit normaal is rondom seks. Waar pas dit in ons huwelike in? Hoe voel ons daaroor? Waar trek ons?

Hierdie afdeling van ‘Ek en Jy’ poog om julle te help om op ‘n goeie plek te kom rondom seksualiteit in julle huwelik. ‘n Plek wat vir julle werk. En ja, ‘n lekker plek waar daar ook vuurwarm passie is.