Stap 5 – Baie Belangrike Afspraak (artikel)

My ouma het altyd gesê “Die liefde is soos ‘n tuin, my kind. Julle moet genoeg tyd en aandag aan mekaar gee, en die bossies uittrek. Dan sal julle liefde so mooi en vol kleur wees soos die tuin van Eden!” Ek het haar en my oupa dit gereeld sien doen. ‘n Glasie sjerrie op die stoep of hand aan hand in die straat af loop. Hulle liefde was spesiaal en hulle het gedurig na nuwe goed gesoek om te doen. Dit was asof hulle avontuur uitgesnuffel het.