Doudruppel #23

Hallo daar, hier is jou Doudruppel vir vandag:

Vers: Johannes 1:40
"Hulle het gegaan en gesien waar Hy tuis was en dié dag by Hom gebly."
Wow, sommer die hele dag saam met Jesus… Hoe wonderlik klink dit nie? Om tyd saam met Jesus te spandeer, is een van die kosbaarste beleggings wat jy ooit met jou tyd sal kan maak! As jy voel jou dag is te besig daarvoor, staan vroeër op of gaan slaap so bietjie later! Jy sal verbaas wees hoe jou dag in plek begin val wanneer jy dit saam met Jesus spandeer. Moenie net vir Hom daardie afskeeptye gee terwyl jy tandeborsel, of daardie skietgebedjie voor jy in die kar klim nie. Hy verdien soveel meer!