Katjierie (Seks in die Huwelik) – Stap 5

Praat jy maklik oor seks? Waarvan jy meer wil hê en waarvan minder; wat jy graag wil probeer en wat dalk vir jou moeilik is? Om oor intimiteit te praat is vir baie van ons geheel en al uit ons gemaksone. Dalk omdat ons groot geword het met die gedagte dat seks tien teen een sonde is en ‘n plig is in elke huwelik. Of dalk is jy net oorweldigend skaam om daaroor te praat. Of jy wonder of daar iets fout is met jou want die groot O kom net so min en jy fake maar die meeste van die tyd.