Masterclass – Stap 5 (slegs vir die dames)

In 1967 het Aretha Franklin dit geëis in haar trefferliedjie, maar lank voor die sestigerjare was R-E-S-P-E-C-T reeds geïdentifiseer as 'n hoeksteen van 'n gesonde verhouding en 'n baie belangrike waarde om in jou kinders vas te lê. Trouens, God het dit in sy Woord beveel. In Aretha se tydperk het ’n vrou respek vir haar man gewys in ware Mad Men-styl deur vir hom 'n whiskey te skink en die kinders piekfyn en skoon te hê teen die tyd dat hy tuis kom. Intussen het ons ver gekom. Maar met vooruitgang het verwarring ook ingetree. Rolle het verander, wat die geslagte daarna met heelwat vrae gelaat het oor wedersydse respek en hoe dit in ’n moderne huwelik moet funksioneer.